Stammtisch Südost

[Lebowski]

Duad ma leid, oba i ko ned kemma. Voa zwoa drei Wochn hot de Standheizung s'spinna oogfangt, und de S-EDC is a ausgfoin, da hob i ma denkt, bringstn no schnei ind Werkstatt am Mitwoch dann kriagstn am Freitag wieda und koos gmiatlich zum Stammtisch foahn.

Nix is, se homt bloss an Fehler eigrenzen kenna, oba ned richtn. Beim S-EDC is woi irgend a Ventil zua, bei der Standheizung machand de Heizventile ned auf - warum wissn's oba no ned und iatz is de Kistn hoibad zlegt und wann ich Massl hob kriag i's am Montag wida, oda a erst am Dienstach. Werma seng.

Oiso, duad me leid, wa gern kumma, oba die guat 40km oafach geh i ned z'Fuass...

Machts fei boid wida an Stammtisch, damit i dann a moi dabei sei ko!

Vui Spass trotzdem, i denk an Eich am Sonntag...

Servus,
Uwe

[Erich]

und der Reinhart (Rottaler2) wollte mich zu Mitglied machen, da haette ich ja noch weniger verstanden als in Japan

[Rottaler2]

Hi Erich

Ich dachte du wärst deutscher ? und kennst ned bayrisch ?????
Grias di Reinhard

[Rottaler2]

Zitat von uwef

Duad ma leid, oba i ko ned kemma.
Oiso, duad me leid, wa gern kumma, oba die guat 40km oafach geh i ned z'Fuass...
Vui Spass trotzdem, i denk an Eich am Sonntag...
Servus,
Uwe

Hi Uwe
Host leicht koa Radl ? machst an Probella vo deina Modorhaum draf und dan kunst de 40 km leich midn Radl fohan.
Reinhard

[Lebowski]

So, hob grod an User Stadler ausm Bett gleit und mit eam ausgmacht, dassa mi mitnema duad
Oiso is da Sonntag grett und mia sengma uns in Eggnfeein.
Servus bis morng...

[Stadler]

Servus

I muas sogn da Stammtisch war voi in ordnung und i grfei mi scho afs nächste moi.

mfg
stadler

[hemmer.tom]

Servas olle midanand,

oiso mia und meina bessan Hälfte hods a subba daugt. Und - i wui ja ned hetzn - auf de Fotos gfrei i mi a scho...

Bin auf alle Fälle a näxte moi wida dabei. A guade Wirtschaft hod a a ausgsuacht unsa Reinhard, do konn ja nix mehr schiafgeh...

Gruaß an olle bis zu näxtn moi

Tom

P. S. : Hey Uwef... snäxte moi bitte mid EIGENEM Auto, gell?

[Michi730i]

Do mua i eich zuastimma... da Schdammdisch wa echt voi guad... de Wirtschaft hod a guad baßt... nua mei Fleisch wa a bisse zach... aba i hob´s scho dabeißn kenna!

Gfrei mi a scho auf naxte Moi...

I wui a moi de Buidln seing...

Hab scho moi a paar bilder nei gesteit! Aber undam anderen thread . Und zwoa untam Benzingeflüster. Hab a den stammtiosch südost ois übaschrift! war echt ned schlecht gestan. Jetztan kennt mo se bessa, und naxt moi kin ma so richtig loslegn! Gruss as Deggendorf

[Rottaler2]

Servas

Oiso i muas song mir hots a sau guad gfoun (bsondas de Autos) obwoi i ned vui mitren kenna hob do i mi jo do ned aso auskenn muas i leida eigsteh.
Owa i gfrei mi a scho auf as naxte moi. Do bi i türlich a wieder vo da partie.
Moi schaun vielleicht kenn i mi dann scho a bissal bessa aus, a wen i des ned glaub owa hoffn ko ma ja amoi. Bi hoid a tramarin.
Oiso man segt si ja wieda bis zum naxtn moi.
Gruaß Rottala`s Dochta (Petra)